اسئلة ماقبل الزواج اهم 30 سؤال للمقبلين على الزواج أسئلة للخطيب قبل الخطوبة

اسئلة ماقبل الزواج اهم 30 سؤال للمقبلين على الزواج أسئلة للخطيب قبل الخطوبة تعرفوا عليها عبر موقع زواج مجانى. اسئلة ماقبل الزواج مهمة جداً إنكوا تتكلموا عنها وتناقشوها سوا. عارفين ليه الجوازات دلوقتى معظمها بتفشل وبنشوف الطلاق كتير جداً دلوقتى؟، عشان الناس بتتجوز الجواز للجواز من غير ما يشوفوا نسبة التوافق بين الطرفين. وياتري هما مناسبين لبعض فعلا ولا لا.

عشان كده فيه حاجات بتخلى الحياة الزوجية ناجحة وتكمل وتستمر فى سعادة ونحط تحت كلمة سعادة دى مليون خط. لان فيه علاقات بتكمل عادى لكن مش سعداء مع بعض. الهدف من اسئلة ماقبل الزواج دى هى إن كل طرف فينا يسهل على الطرف التانى إن هو يتعرف عليه كويس جداً، بشرط تكون الاجابات صريحة وواضحة وضوح الشمس.

اسئلة ماقبل الزواج

النقاش ده او اسئلة ما قبل الزواج دى ممكن تتقال فى فترة التعارف قبل الخطوبة او فى فترة الخطوبة نفسها. لكن يُفضل ان يتم مناقشتها فى فترة التعارف قبل الخطوبة لان اكيد مش هنستفيد حاجه لو اتخطبنا وبعدين فركشنا وسيبنا بعض بسبب وجود اختلافات فى وجهات النظر وما إلى ذلك.

السؤال عن الحاجات المشتركة بينكم قبل الزواج

من اهم اسرار نجاج الارتباط والزواج هى وجود حاجات مشتركة بين الطرفين زى هوايات او انشطة الاتنين بيحبوها، يعنى مينفعش الاتنين يكونوا مختلفين عن بعض فى كل شىء ويكملوا ارتباط ويتجوزوا. وعشان ننظم الاسئلة هنحدد نقاط معينة هنمشى عليها كما يلى:

  • يبقى أول سؤال معانا هو إيه هى الهوايات او الانشطة اللى بتحبى تعمليها؟ وتتكلموا باستفاضة فى النقطة دى.
  • وتشوف هل فيه حاجات مشتركة بينكم فعلاً ولا لاء. والسؤال ده يعتبر من اهم اسئلة ماقبل الزواج.
  • وعشان نسهل مناقشة النقطة دى مع بعض ممكن كل طرف يتكلم عن هواياته المفضلة والانشطة اللى بيحب يعملها بشكل رسمى او فى اوقات الفراغ والاجازة.

الصراحة والوضوح قبل الارتباط

كل طرف قبل الارتباط لازم يوضح بشكل صريح وواضح جداً شروطه ورؤيته عن الزواج. عشان كده هنناقش مع بعض اسئلة ماقبل الزواج الجاية دى:

  • 1- شايفه الزواج ازاى؟ وبيمثلك إيه؟.
  • 2- انا عايزه اشتغل بعد الجواز ولا لاء؟، وده يعتبر من اهم اسئلة ماقبل الزواج.
  • 3- وهل شغلى ده هيكون خارج البيت ولا من البيت زى الاونلاين مثلاً.
  • 4- الفسح والخروجات انا متعودة كل فترة مثلا اسافر او اتفسح، ولا انا عايشه عادى والخروج والفسح بظروفها مش بيكون مخطط ليها.
  • 5- زيارات الاهل انا هزور اهلى مثلاً مرة فى الأسبوع زى يوم الجمعة مثلا؟ ولا كل يوم او كل يومين هروح ازور اهلى.
  • 6- المصاريف الشخصية عادية، ولا اوڤر وعندى متطلبات مُعينة.
  • 7- متعودة احتفل بعيد ميلادى كل سنة ولا عادى بظروفها.
  • 8- متعودة صحباتى يزورونى فى البيت وانا ازورهم عادى ولا لاء.

لا تفوتك: إعرفى اكثر الأشياء التى تعجب الرجل فى المرأة.

المصارحة قبل الخطوبة والزواج

المصارحة قبل الارتباط والزواج من اهم الامور، ولا يجب اخفاء الشريك لأى سر يهم الطرف الأخر، وتعتبر من اهم اسئلة المصارحة قبل الارتباط والزواج ما يلى:

  • 1- هل بنعانى من اى امراض عضوية او نفسية؟. ودى من اهم اسئلة ماقبل الزواج.
  • 2- هل عندنا حساسية تجاة اى نوع من انواع الاكل؟ ولا بناكل كل الاكل عادى؟.
  • 3- علاقتنا بربنا عامله ازاى؟.
  • 4- علاقتنا ببابا وماما واخواتنا؟.
  • 5- تعرفى إيه عن معنى القوامة؟. ودى من اهم اسئلة ما قبل الزواج.
  • 6- هل ممكن تلبسى النقاب؟.
  • 7- هل شايفه نفسك شخصية عنيدة او عصبية؟. ودى من اهم اسئلة ماقبل الزواج.
  • 8- هل عمر حد من اهلك او المقربين قالك انك حنينة؟.
  • 9- لو زوجك تعرض لأزمة مالية طويلة الأمد هتتعاملى ازاى مع الموقف ده؟.
  • 10- هل انتى متابعة لرضوى الشربينى ورأيك ايه فيها؟.
  • 11- هل انتى منضمة لجروبات مناصرة لحقوق المرأة والهجوم على الرجل؟.

للتوضيح: نخلى بالنا فى النقطة دى بالذات لأن فيه منظمات غربية بتمول كيانات خصوصا فى الاعلام والسوشيال ميديا، هدفهم تخريب افكار الشباب وهدم القيم والاخلاق والمعتقدات. وده كله فى الاخر هدفه فى خراب البيوت لذلك اى كلمة تتقال او تتسمع لازم نوزنها ونفلترها داخل عقلنا الاول.

بالمثل صديقات السوء تبقى هى عايشة مية فل و14 وتزن على ودانك زى الشيطانة عشان تخرب عليكى فى الوقت اللى هى عايشه فيه مع زوجها وسط عيالها ومبسوطة عادى.

السؤال عن اقامة حفل زفاف من عدمه

  • 12- هل حابه نعمل فرح؟ ولا ممكن بنفس المبلغ نسافر لمدة اسبوعين مثلا فى اى مكان حلو ونتفسح سوا؟.
  • 13- رأيك عن المسؤوليات الزوجية فى البيت زى التنضيف الترتيب الطبيخ الغسيل.
  • 14- لو حصل خلاف بينك وبين زوجك هتحليه مع زوجك؟ ولا هتحكى لأهلك عشان يساعدوكى ضد جوزك.
  • 15- حابه يكون عندك كام طفل بعد الزواج؟ وهل حابه تأجلى الحمل ولا عايزه اطفال علطول؟.
  • 16- رأى الراجل ولا الست اللى يمشى فى البيت؟.
  • 17- هل انتى مؤمنة بطبيعة شغل الطرف الآخر؟.
  • 18- هل عندك اى مشكلة مع طبيعة شغل الطرف الآخر؟.

اسئلة خفيفة للتعارف قبل الزواج

ومن أبرز الاسئلة الخفيفة للتعارف قبل الزواج، ما يلى:

  • 1- اهلاوية ولا زملكاوية ومتابعة الكورة اصلا ولا لاء؟.
  • 2- إيه هى نوعية الافلام اللى بتحبى تشوفيها؟ يعنى مثلاً رومانسية، دراما، اكشن، رعب. وعربى ولا أجنبى اكتر.
  • 3- بتعرفى تطبخى اي اكتر حاجه واللى بياكلها من ايدك بيقولك الله تسلم ايدك؟.
  • 4- لو ماشية فى الشارع وشوفتى قطة جعانة ومتبهدلة هتعملى ايه؟.
  • 5- هل ربيتى طائر او حيوان أليف قبل كده؟.
  • 6- امتى بتقري القرآن؟.

وبناء على اجابات كل طرف على الاسئلة دى هتقدر تحدد اذا كانت هى دى الانسانة المناسبة ليك اللى هتكمل معاها حياتك ولا لاء.

وبالمثل برضه البنت من خلال اجابات الشاب على الاسئلة دى هتقدر تحدد اذا كان هو هيكون الزوج المناسب ليها ولا لاء.

لأن اكيد كل طرف بيكون عارف كويس هو عايز إيه من التانى وهل بيلبى مستوى طموحه ولا لاء.

لا تفوتك: اعرف 5 علامات تدل على كره الزوجة لزوجها.

وطبعا لازم نخلى بالنا ياشباب وننتبه كويس جداً، لأن العشرة والمواقف هى اللى بتظهر الانسان على حقيقته. لأن وارد جداً ان الطرف التانى يتصنع الاجابة على اسئلة ما قبل الزواج ويديلك اجابات مثالية غير حقيقية.